Kush jemi dhe çfarë bëjmë? Fragoland nisi si një koncept i shëndetshëm i asaj çka realisht i mungon sot tregut shqiptar. Duke përqafuar inovacionin dhe duke treguar përkushtim ndaj mjedisit dhe shëndetit të konsumatorit, sot jemi pionierë në prodhimin dhe tregtimin e luleshtrydheve me cilësi të lartë, sipas standardeve më të mira ndërkombëtare. Ajo çka na diferencon në treg është zgjedhja e tokës së duhur dhe kushtet optimale për rritjen e frutit më të shëndetshëm të verës. Që nga fillimet e këtij projekti, synimi ynë i vetëm ka qenë ofrimi i një stili jetese më të shëndetshëm për konsumatorin shqiptar dhe më gjerë. Me një sipërfaqe prej 150 dylym, Fragoland kultivon dhe kujdeset për prodhimin e luleshtrydheve me cilësi superiore. Cilësia dhe Standardet Ne jemi krenarë për përputhshmërinë me standardet më të larta të Bashkimit Evropian, duke garantuar cilësi, siguri dhe pastërti maksimale. Luleshtrydhet tona janë të certifikuara me Global GAP (GGN 4069453102262) dhe GRASP, dhe edhe fermerët tanë bashkëpunues ndjekin të njëjtat protokolle të rrepta sigurie dhe cilësie. Objektivat Fragoland është një shembull i një biznesi që synon të krijojë ndryshim pozitiv në shoqëri dhe mjedis. Me inovacion dhe përkushtim në çdo hap të prodhimit, ne duam të frymëzojmë një kulturë të re në bujqësi dhe të sigurojmë produkte të freskëta dhe me cilësi të garantuar për të gjithë konsumatorët tanë, brenda dhe jashtë Shqipërisë. Misioni Misioni ynë është të jemi pionierë dhe inovatorë në sektorin e bujqësisë në Shqipëri dhe rajon. Për këtë arsye, ne bashkëpunojmë ngushtë me fermerët e zonës së Kafaraj, duke ndikuar pozitivisht në ekonominë dhe zhvillimin e zonës ku operojmë. Ne synojmë të rrisim ndërgjegjësimin mbi praktikat e qëndrueshme bujqësore dhe të ofrojmë një model të suksesshëm për prodhimin e produkteve të pastra, pa mbetje kimike dhe të sigurta për konsumatorët. Pajisjet dhe Logjistika Cilësia e lartë e produktit tonë është rezultat i metodave të avancuara të kultivimit, pajisjeve moderne dhe një logjistike efikase. Fragoland përdor teknologji të avancuar në bujqësi, duke siguruar një prodhim të qëndrueshëm dhe me standarde të larta. Luleshtrydhet tona përpunohen dhe shpërndahen me kujdes maksimal, duke ruajtur freskinë dhe cilësinë e tyre natyrore. Përdorimi i një logjistike të kontrolluar siguron që produktet tona të mbërrijnë tek konsumatorët të freskëta dhe të sigurta. Ne kemi një bashkëpunim të ngushtë me ekspertët e kompanisë Koppert, lider në fushën e mbrojtjes biologjike të bimëve. Ky partneritet na lejon të aplikojmë metoda të sigurta dhe të qëndrueshme në prodhim, duke ndjekur një model inovativ për tregun shqiptar. Target Group Luleshtrydhet tona janë të përshtatshme për të gjithë konsumatorët, nga fëmijët tek të rriturit, dhe mund të konsumohen në çdo kohë të vitit, duke sjellë freskinë dhe shijen e verës çdo ditë. Vizioni Vizioni ynë është të krijojmë një standard të ri në bujqësinë shqiptare, duke sjellë produkte të cilësisë së lartë në përputhje me kërkesat ndërkombëtare. Synimi ynë është që luleshtrydhet nga Kafaraj, Fier, të bëhen një produkt i njohur dhe i preferuar në tregjet ndërkombëtare. Kemi nisur një fushatë të gjerë informimi dhe edukimi për fermerët, duke ndarë përvojën tonë mbi metodat e kultivimit të qëndrueshëm dhe të sigurt. Në planin ndërkombëtar, synojmë të zgjerojmë praninë tonë në tregjet evropiane, duke u bërë një model për bujqësinë inovative dhe të qëndrueshme. Çdo hap që ndërmarrim është një angazhim ndaj shëndetit të konsumatorëve, mbrojtjes së mjedisit dhe zhvillimit të një bujqësie moderne dhe të përgjegjshme.
