Qëndrueshmëria

Angazhimi ynë për qëndrueshmëri

Që nga fillimet tona, në Fragoland kemi pasur gjithmonë si prioritet zhvillimin e një bujqësie të qëndrueshme dhe me ndikim pozitiv ndaj mjedisit. Megjithëse jemi ende të rinj në industrinë e prodhimit dhe eksportit të luleshtrydheve, me vetëm 3 vite eksperiencë, ne po punojmë vazhdimisht për të rritur standardet tona dhe për të krijuar një model të qëndrueshëm për sektorin bujqësor shqiptar.

Ulja e ndotjes dhe ruajtja e burimeve natyrore

Si pjesë e angazhimit tonë, kemi filluar të përdorim teknologji dhe praktika që na ndihmojnë të ulim ndikimin tonë mjedisor. Përmes përmirësimeve të vazhdueshme në menaxhimin e ujit dhe energjisë, po përpiqemi të ulim huajqë karbonike dhe huajqë ujore të prodhimeve tona. Për këtë arsye, kemi filluar të përdorim burime të rinovueshme si energjia diellore dhe teknologji të avancuara për vaditjen e tokave tona.

Paketime më ekologjike

Një nga hapat tanë më konkretë ka qenë reduktimi i plastikës në paketimet tona. Këtë vit, kemi kaluar në përdorimin e tasave të riciklueshëm prej kartoni, të cilët i kemi siguruar nga një kompani me reputacion ndërkombëtar si Cartoon Pack. Kjo na ndihmon të ulim plastikën në mënyrë të ndjeshme dhe të ofrojmë një produkt më miqësor me mjedisin.

Synimi ynë për një të ardhme më të qëndrueshme

Duke ecur përpara, synimi ynë është të vazhdojmë të përmirësojmë praktikat tona dhe të sjellim inovacione që ndihmojnë jo vetëm biznesin tonë, por edhe fermerët dhe komunitetin ku operojmë. Jemi të përkushtuar që të zhvillojmë partneritete të reja dhe të rrisim eksportin tonë, duke synuar të njohim dhe zbatojmë praktikat më të mira ndërkombëtare për qëndrueshmërinë.

Jemi krenarë për rrugëtimin tonë dhe mezi presim që Fragoland të vazhdojë të rritet si një kompani shembull për bujqësinë e qëndrueshme në Shqipëri.